Иван Ерслан, еден од најдобрите хрватски ММА-борци, откри како добил и одбил понуда да настапи на спектаклот на УФЦ во Белград, и тоа само десет дена пред самиот настан.
Иако неодамна ја заврши својата авантура во најсилната светска промоција, можноста за враќање се појавила неочекувано брзо, но Ерслан имал други планови.
На 1 август, Белград ќе биде регионален центар на боречките вештини, бидејќи во „Белградска арена“ ќе се одржи настанот „UFC Fight Night“ со дури 14 борби. Во последен момент дошло до промена во распоредот на борбите, па србинот Јован Лека ќе се бори против Александар Попек наместо против Макс Хименес. Се чини дека токму борбата против Лека му била понудена на Ерслан.
Причината за одбивањето на понудата од UFC е сосема јасна: Ерслан веќе има закажана борба против словенечкиот борец Миран Фабјан на настанот FNC 33, кој ќе се одржи на 12 септември во загрепската „Арена“. Иако не станува збор за главната борба на вечерта, дуелот меѓу поранешниот борец на UFC и еден од најпопуларните борци во регионот привлекува огромно внимание во јавноста.
