Во Националната опера и балет, Министерството за спорт и Сојузот на спортски федерации на Македонија (ССФМ) ги доделија наградите „Спортист на годината 2025“, со кои се оддава највисоко признание на најуспешните спортисти во државата.
Ален Рустемовски сјаеше на Европското првенство во Ереван, освојувајќи сребрен медал, и го заслужи признанието „Спортист на годината 2025“. Неговите успеси на меѓународната сцена ја потврдуваат посветеноста, талентот и врвниот квалитет на македонскиот бокс.
Признанието „Најуспешен млад спортист“ му припадна на Адријан Рустемовски, кој го освои 3. место и бронзен медал на Европското првенство во Ереван, Ерменија. Со овој резултат, тој се вбројува меѓу најперспективните млади спортски таленти во Македонија.
