317 натпреварувачи беа дел од таеквондо турнирот „Охрид опен“ 2026 кој беше во организација на Македонската Традиционална таеквондо федерација и ТК „ХВА РАНГ ИТФ” Лескоец Охрид.
Учествуваа клубови и натпреварувачи од Македонија, Молдавија, Грција, Бугарија, Албанија, Србија, Босна и Херцеговина, Италија и Хрватска, кои приредија врвни борби, атрактивни настапи и вистински спортски спектакл пред присутната публика во СЦ „Билјанини извори“
Настанот уште еднаш потврди дека Охрид и Македонија успешно се позиционираат на европската Таеквон-до ИТФ мапа, а интересот и квалитетот на учесниците покажаа дека „Охрид Опен“ прераснува во еден од најпрепознатливите меѓународни турнири во регионот.
Македонските клубови освоија вкупно 42 медали – 8 златни, 11 сребрени и 26 бронзени медали.
Најуспешен домашен клуб беше „ХВА РАНГ ИТФ“, кој освои 4 златни, 6 сребрени и 8 бронзени медали.
Одлични резултати забележаа и клубовите „Мастер“ со 1 златен, 2 сребрени и 3 бронзени медали, „Ахилиус“ со 2 сребрени и 1 бронзен медал, „ГЕ-БЕК“- Ресен со 3 златни 1 сребрен и 9 бронзени медали, „Сонкал“ со 4 бронзени медали и „Чон-Џи“ со 1 бронзен медал.
Натпреварувачите испратија силна порака за пријателство, почит и соработка меѓу државите и клубовите, вредности кои се темел на традиционалното таеквондо.
Честитки до организаторите на овој спортски настан, им посакуваме многу успех.
